(air : Jenny l'ouvrière) Isabelle à la flute traversière
Mes sources : ACHICOURT Regards sur le passé. Par Marie-Thérèse NISON-LECOINTE (1977)
Racontaches d'ein boïeu rouche M. Léon Lemaire, chancelier des Rosati d'Artois. (Poésies et chansonnettes en patois d'Arras.)
Photo : Charles LECOINTE
III
Des fos, l'hiver, quand i' gélaut trop raide,
(Chés viux d'Arrau, sur'mint s'in rappelleront)
J'étaus forché d' m'ajoucquer d'sus m'queufrette,
In prindant soin d'pon azir min cotron !...
Des fos, l'hiver, quand i' gélaut trop raide,
Chés viux d'Arrau, sur'mint s'in rappelleront.
Refrain :
J'avaus l'air, au mitant d'mes pèmme' ed terre,
D'mes choux et pis d'mes z'haricots,
D'ein' viell' « pondeuss' » quasiment prête à faire
« Cod... cod... cod... codaco ! » (bis)
IV
Bref à tout ch'là, mi, Zabette et Charlotte,
In n'a gangné, jadiss, des pouscaïons ;
Pou' l'heur', ch'est cuit, car tout l' monde i' barbotte,
Parch' qu'i' faut mett' vingt sous dins ein porion
In n'a gangné, jadiss, des pouscaïons (bis)
Refrain :
Mais, cha d'vient dur, pour ein' pauv' fourbouïère,
D'avoir à l' charche ein bourricot ;
Aussi, d'man, pour am'ner mes pèmme' ed terre,
J' vas m' païer eine auto !... (bis)
El canchon de ch'l'Achicourienne
I
D'pu quarinte ans, qu'i' pleuche ou bien qu'i'neiche
J' m'in viens, dins l' vill', sans manquer, tous les jours,
Pour apporter des bell's légueum's tout fraîches,
V'nant d' nou gardin, dech fin fond d'Achicourt.
D'pu quarinte ans, qu'i' pleuche ou bien qu'i' neiche
J' m'in viens, dins l' vill', sans manquer, tous les jours,
Refrain :
Ch'est mi Fanni, I'viell' Fanni, l' fourbouïère,
Monté', sur min brav' bourricot,
J'apporte, à chés bourgeos, des pèmme' ed terre,
Des choux, des z'haricots (bis).
II
Pindant longtemps, au mitant d'mes mand'lettes,
J' m'a t'étalé, d'sus l' plach' dech Wetz-d'Amain,
Dù qu' min brul'-gueulle et pis m' blancq' calipette,
Ch'taut, pou' l' pratique, des sènne' ed rali'mint.
Pindant longtemps, au mitant d'mes mand'lettes,
J' m'a t'étalé, d'sus l' plach' dech Wetz-d'Amain,
Refrain :
Cha mêm' 'té là, foë d' Fanni' l' fourbouïère,
Qu'j'ai comminché min p'tiot magot,
A débiter mes saquis d'pèmme' ed terre,
Mes choux, mes z'haricots !... (bis)
L'histoire d'Achicourt
Version 2020